កំពង់ចាម ៖ ករណី ហិង្សារដោយចេតនា (គ្រួសារ) ដែលកម្លាំងអធិការដ្ឋាននគរបាលស្រុកជើងព្រៃ  បានបង្រ្កាប កាលពីថ្ងៃទី២៥ ខែធ្នូ ឆ្នាំ២០១៧ ត្រូវបានលោក គឹម លុយ ចៅក្រមស៊ើបសួរសាលាដំបូងខេត្តកំពង់ចាម បានចេញដីកាបង្គាប់ឲ្យឃុំខ្លួនលេខ ៧៥៦ ចុះថ្ងៃទី២៨ ខែធ្នូ ឆ្នាំ២០១៧ សម្រេចឃុំខ្លួនជនជាប់ចោទម្នាក់ ពីបទហិង្សារដោយចេតនា  ដែលប្រព្រឹត្តកាលពីថ្ងៃទី២៥ ខែធ្នូ ឆ្នាំ២០១៧ នៅភូមិរវាង ឃុំខ្នុរដំបង ស្រុកជើងព្រៃ  ខេត្តកំពង់ចាម ។

សូមរំលឹកផងដែរថាៈ កាលពីថ្ងៃទី២៥ ខែធ្នូ ឆ្នាំ២០១៧ កម្លាំងអធិការដ្ឋាននគរបាលស្រុកជើងព្រៃ បានបង្រ្កាប ហើយបានធ្វើការឃាត់ខ្លួនជនសង្ស័យម្នាក់។

ឈ្មោះ ម៉ើ ម៉ាញ ភេទប្រុស អាយុ២៤ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុនស្មាត មានទីកន្លែងកំណើត និងរស់នៅភូមិរវាង ឃុំខ្នុរដំបង ស្រុកជើងព្រៃ  ខេត្តកំពង់ចាម ។

បច្ចុប្បន្នជនជាប់ចោទត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារខេត្តកំពង់ចាម រួចរាល់ហើយ នៅថ្ងៃទី២៨ ខែធ្នូ ឆ្នាំ២០១៧ ទៅតាមបញ្ញត្តិច្បាប់មាត្រា ២១៧ នៃក្រមព្រហ្មទណ្ឌ ៕